مصباح الحق نے پشاورزلمی کو اگلے مرحلے میں پہنچا دیا

مصباح الحق نے لاہور قلندر کو شکست دے کر پشاورزلمی کو اگلے مرحلے میں پہنچا دیا۔

پشاورزلمی کی آدھی ٹیم 20 رنزپر پویلین لوٹنے کے بعد کپتان سیمی اور مصباح الحق کی ذمے دارانہ بیٹنگ کی بدولت پشاور زلمی نے لاہور قلندرز کو 4 وکٹوں سے شکست دے دی۔

لاہور قلندرز نے پہلے بیٹنگ کرتے ہوئے 125رنز کا ہدف دیا جو پشاور زلمی نے 5 وکٹوں کے نقصان پر حاصل کرلیا۔

ابوظہبی کرکٹ اسٹیڈیم میں کھیلے جارہے میچ میں پشاور زلمی کے کپتان ڈیرن سیمی نے ٹاس جیت کر پہلے لاہور قلندرز کے کپتان فخر زمان کو بیٹنگ کی دعوت دی۔

دف کے تعاقب کے پشاور زلمی کی اننگز کا آغاز تباہ کن انداز میں ہوا، صرف 6 رنز پر امام الحق 4 رنز بناکر شاہین آفریدی کی گیند پر کلین بولڈ ہوگئے۔

اگلے اوور میں راحت علی نے 8 کے مجموعی اسکور پر کامران اکمل کو پویلین کی راہ دکھائی، عمر امین بغیر کوئی رن بنائے شاہین آفریدی کا شکار بنے تو اگلی ہی گیند پر ڈاؤسن کلین بولڈ ہوگئے۔

پشاور زلمی کے کپتان ڈیرن سیمی نے ٹاس جیت کر پہلے لاہور قلندرز کے کپتان فخر زمان کو بیٹنگ کی دعوت دی تھی

جارح مزاج بیٹسمین کائرون پولارڈ بھی کچھ نہ کرسکے اور صرف 2 رنز بناکر وائز کی گیند پر کلین بولڈ ہوگئے۔

ابتدا ہی میں 5 وکٹیں گرنے کے بعد سینئر بیٹسمین مصباح الحق اور کپتان ڈیرن سیمی نے ٹیم کو سنبھالا اور چھٹی وکٹ کی شراکت میں قیمتی100 رنز جوڑے۔

اس موقع پر سیمی 46 رنز بناکر مصباح الحق کا ساتھ چھوڑ گئے،مصباح الحق59رنز بنا کر ناٹ آئوٹ رہے۔وہاب ریاض نے 2رنز بنائے وہ بھی آئوٹ نہیں ہوئے۔

۔لاہور قلندرز کی جانب سے اننگز کا آغاز ہی مایوس کن رہا اور اوپنر اینٹن ڈیویچ 12 کے مجموعی اسکور پر آؤٹ ہوئے جب کہ فخر زمان بھی 11 رنز بناکر پویلین لوٹے۔

حارث سہیل، ڈیوڈ ویز اور عمیر مسعود نے ٹیم کو سنبھالا دینے کی کوشش کی تاہم قلندرز نے مقررہ 20 اوورز میں 7 وکٹوں کے نقصان پر 124 رنز بنائے۔

لاہور کی جانب سے حارث سہیل 43، ڈیوڈ ویز 26 اور عمیر مسعود 22 رنز بناکر نمایاں رہے۔

پشاور زلمی کی جانب سے ملز نے 3، ثمین گل نے 2، ڈاؤسن اور وہاب ریاض نے ایک ایک کھلاڑی کو آؤٹ کیا۔