پی ایس ایل کیلئے کھلاڑیوں کی پاکستان آمد شروع

پاکستان سپر لیگ فور کا متحدہ عرب امارات میں مرحلہ مکمل ہوگیا اور اب ایونٹ کے بقایا 8 میچز کراچی میں کھیلے جائیں گے جس کے لیے کھلاڑیوں کی پاکستان آمد شروع ہوگئی ہے۔

کوئٹہ گلیڈی ایٹرز کے اوپننگ بلے باز شین واٹسن آج کراچی پہنچیں گے جب کہ رائلی روُسو، ڈوائین براوو اور فواد احمد بھی پاکستان آنے کے لیے تیار ہیں۔

کوئٹہ گلیڈی ایٹرز کے کپتان سرفراز احمد اور چند دیگر کھلاڑی کراچی پہنچ گئے اور وقفے وقفے سے دیگر کھلاڑی بھی کراچی پہنچیں گے۔

لاہور قلندرز کے کھلاڑی دو مختلف پروازوں سے آج پاکستان آرہے ہیں جب کہ کراچی اور اسلام آباد کی ٹیمیں بھی آج ہی کراچی پہنچیں گی۔