ایڈمرل ظفر محمود عباسی کا ساحلی تنصیبات اور اگلے مورچوں کا دورہ

ایڈمرل ظفر محمود عباسی نے پاک بحریہ کی آپریشنل تیاریوں کا جائزہ لیتے ہوئے کا ساحلی تنصیبات اور اگلے مورچوں کا دورہ کیا۔

ترجمان پاک بحریہ کے مطابق نیو ل چیف نے شمالی بحیرہ عرب میں تعینات بحری جہازوں کا دورہ کیااور انہیں پاک بحریہ کی آپریشنل تیاریوں پر بریفنگ بھی دی گئی۔

امیرالبحر نے اس موقع پر افسروں اور جوانوں سے ملاقات کی اور اُن کی آپریشنل تیاریوں اور بلند حوصلے کو سراہا۔

ترجمان پاک بحریہ کے مطابق موجودہ صورت حال میں افسران اور جوانوں کو ہمہ وقت انتہائی مستعد اور چوکس رہنے کی ہدایت بھی کی گئی ہے۔

نیول چیف ظفر محمود عباسی نے اس موقع پر کہا کہ بھارتی آبدوز کی بروقت سراغ لگانا پاک بحریہ کی آپریشنل تیاریوں اور پیشہ ورانہ صلاحیتوں کا منہ بولتا ثبوت ہے۔

ایڈمرل ظفر محمود عباسی نے کہا کہ ہم امن پسند ملک ہیں مگردشمن کی کسی بھی جارحیت کا منہ توڑ جواب دینے کی انتہائی صلاحیت رکھتے ہیں۔ ہم جارحیت نہیں چاہتے مگر اگر دشمن نے پہل کی تو بھر پور جواب دیں گے۔

انہوں نے کہا کہ ہمارا غیر متزلزل ایمان ، ہمت اور وطن کی حفاظت کا جذبہ ہماری صلاحیتوں کو استحکام عطا کرتا ہے۔