اے بی ڈی ویلیئر نے پاکستان کو ورلڈ کپ کیلئے فیورٹ قرار دےدیا

کیپ ٹاون : جنوبی افریقہ کے سابق کپتان اے بی ڈی ویلیئرز نے ورلڈکپ کے لیے پاکستان کو فیورٹ ٹیموں میں شامل کرلیا۔

ورلڈکپ کے حوالے سے لی گئی رائے میں سابق جنوبی افریقہ کے کپتان اے بی ڈی ویلیئرز نے اپنی فیورٹ ٹیموں کے نام بنائے  ہیں جن میں بھارت، انگلینڈ اور آسٹریلیا شامل ہیں۔

اپنی ہوم ٹیم جنوبی افریقہ کے بارے میں ان کا کہنا ہے کہ پروٹیز کے بھی کافی اچھے امکانات ہوسکتے ہیں لیکن میرے نزدیک وہ فیورٹ ٹیم نہیں کہی جاسکتی۔

ٹرافی جیتنے کے حوالے سے میزبان انگلینڈ اور بھارت کافی مضبوط امیدوار ہیں جب کہ آسٹریلوی ٹیم پانچ بار ورلڈ چیمپئن بن چکی ہے، پاکستان انگلش سرزمین پر دو برس پہلے چیمپئنزٹرافی اپنے نام کرچکا ہے، اس لیے میری نظر میں ان چاروں ٹیموں میں سے ہی کوئی ٹیم چیمپئن بن سکتی ہے۔