سپر ہائی وے پر کار الٹنے سے خاتون ہلاک۔ 3 افراد زخمی

سپر ہائی وے پر کراچی آتے ہوئے کار الٹنے سے  ایک خاتون ہلاک اور 3 افراد زخمی ہو گئے۔

نجی ٹی وی کے مطابق کراچی آتے ہوئے سپر ہائی وے پر نوری آباد کے قریب کار الٹ گئی جس کے نتیجے میں 50سالہ خاتون شکیلہ موقع پر ہی ہلاک ہوگئیں۔

حادثے میں خاتون کے 60 سالہ شوہر جمال الدین، 25 سالہ بیٹا ایاز الدین اور 20 سالہ بیٹی افشاں زخمی ہو گئی، جنہیں ایمبولینسوں کے ذریعے اسپتال منتقل کردیا گیا ہے جہاں انہیں طبی امداد دی جا رہی ہے۔

پولیس کے مطابق کار تیزرفتاری کے باعث اوور ٹیک کرتے ہوئے حادثہ کا شکار ہوئی جس کی تحقیقات شروع کردی گئی ہیں۔