پشاورمیں بم دھماکے کے نتیجے میں 5 افراد زخمی

پشاورمیں بم دھماکے کے نتیجے میں 5 افراد زخمی ہوگئے۔

پشاورکے علاقے اشرف روڈ پر بم دھماکا ہوا جس کے نتیجے میں 5 افراد زخمی ہوگئے جن میں 2 ٹریفک پولیس اہلکار بھی شامل ہیں۔

واقعے کے بعد سیکیورٹی فورسزنے علاقے کو گھیرے میں لے لیا اور زخمیوں کو لیڈی ریڈنگ اسپتال منتقل کردیا گیا جہاں انہیں طبی امداد فراہم کی گئی۔ ڈاکٹرز کے مطابق زخمیوں کی حالت خطرے سے باہر ہے۔

ایڈیشنل انسپکٹر جنرل (اے آئی جی) شفقت ملک نے بتایا کہ جائے وقوعہ سے شواہد اکٹھے کرلیے گئے ہیں، دھماکا ریموٹ کنٹرول تھا اور بم دیسی ساخت کا تھا جسے موٹرسائیکل میں نصب کیا گیا تھا۔ دھماکے میں دو کلو بارودی مواد استعمال کیا گیا۔

اے آئی جی شفقت ملک کے مطابق حملے میں بظاہر پولیس کو نشانہ بنایا گیا ہے اور مزید تحقیقات جاری ہیں۔