ڈیفنس پولیس نے مضرِ صحت گٹکا ماوا اور فحاشی کا اڈا چلانے والے ملزمان کو گرفتار کر لیا ۔

ڈیفنس پولیس کی دو مختلف کارروائیاں ڈیفنس پولیس نے قیوم آباد کے علاقے میں چھاپہ مار کارروائی کے دوران مضرِ صحت گٹکا ماوا فروخت کرنے والے  2 افراد کو گرفتار کرلیا ۔ گرفتار ملزمان میں طاہر ولد فریداور جان زین ولد رفاقت شامل ہیں کارروائی میں مختلف برانڈ کے انڈین گٹکے جے ایم ،سفینہ، ون ٹو ون اور ماوا برآمد کرلیا گیا۔ پولیس نے گرفتار ملزمان کے خلاف مقدمہ نمبر 797/2020 بجرم دفعہ گٹکا ماوا مین پوری ایکٹ کے تحت درج کرلیا ہے ۔

دوسری کارروائی کے دوران فحاشی کے اڈے پر چھاپہ مار کارروائی  کے دوران 2خواتین اور 2 مردوں کو فحاشی کے اڈے سے گرفتار کرلیا ۔گرفتار ملزمان میں محمد حسین ولد نورمحمد،جہانگیر ولد محمد یوسف ،ارم ولد محمد امین اور آسیہ ولد ریاض شامل ہیں پولیس نے تمام ملزمان کے خلاف ،مقدمہ نمبر 798/2020 بجرم دفعہ 371(A)34 پاکستان پینل کوڈ کے تحت  درج کردیا ہے۔