قائد اعظم ٹرافی: سدرن پنجاب نے بلوچستان کو شکست دے دی

قائد اعظم ٹرافی کے ساتویں راؤنڈ میں سدرن پنجاب نے بلوچستان اور خیبر پختونخوا نے سندھ کو شکست دے دی۔
اسٹیٹ بینک اسٹیڈیم میں خیبر پختونخوا نے سندھ کو اننگز اور 37 رنز سے ہرا دیا۔
دوسری اننگز میں سندھ 148 رنز بنا کر آؤٹ ہو گئی۔ سعود شکیل 50 رنز کے ساتھ ٹاپ اسکورر رہے، ساجد خان نے 5 کھلاڑیوں کو آؤٹ کیا۔
نیشنل اسٹیڈیم میں سدرن پنجاب نے بلوچستان کو 205 رنز سے شکست دے دی۔ 405 رنز کے تعاقب میں بلوچستان 199 رنز بنا کر آؤٹ ہو گئی۔
عمران فرحت 84 اور اکبر الرحمٰن نے 57 رنز بنائے۔ ‏
ضیاء الحق نے 7 وکٹیں حاصل کیں۔ عامر یامین نے دو جبکہ زاہد محمود نے ایک کھلاڑی کو آؤٹ کیا۔