مریم نواز، مولانا فضل الرحمن اوردیگر قائدین جلسہ گاہ پہنچ گئے

لاہور۔مریم نوازجلسہ گاہ پہنچ گئیں ،ان کے ساتھ کارکنوں کی کثیرتعداد بھی جلسہ گاہ پہنچی ہے جس سے پنڈال بھرگیا ہے۔

مریم نوازنے ہاتھ ہلا کرکارکنوں کے نعروں کا جواب دیا جبکہ مولانا فضل الحمن،بلاول بھٹو زرداری،سردار اختر مینگل، محمود خان اچکزئی اور دیگر قائدین بھی  جلسہ گاہ پہنچ چکے ہیں ، کارکنوں اور شرکا میں جوش خروش بھرگیا ہے۔

واہ لاہور، واہ! مزہ آگیا الحمدللہ! سوچیں جب تک جلسے کا باقاعدہ آغاز ہو گا تو کیا نظارے ہوں گے؟ 🐅 pic.twitter.com/jM15uQ7RSa

— Ali Dar (@alimdar82) December 13, 2020

اس سے قبل نائب صدر مسلم لیگ ن مریم نواز نے کہا ہے کہ عوام ملک کی خاطرآج باہر نکلیں اورحکومت کو آخری دھکا لگائیں، لاہور والوں کو پیغام ہےکہ آپ کی مشکلات کااحساس ہے۔

مینار پاکستان جلسے کیلیے جاتی امرا سے روانگی کے موقع پر مریم نواز کا کہنا تھا کہ عوام پی ڈی ایم کی کال پر نہیں، عوام کی کال پرپی ڈی ایم باہرنکلی ہے۔ انہوں نے کارکنان سے اپیل کی کہ وہ کورونا ایس او پیزپرعمل کریں اورجلسے میں ماسک پہن کرآئیں۔