ماچکوپولیس نے منشیات اسمگلنگ کے بین الصوبائی گروہ کے 3 کارندے دھر لیے

کراچی: ماچکو پولیس نے دوران چیکنگ منشیات اسملگنگ کے بین الصوبائی گروہ کے 3 کارندوں کو گرفتار کرلیا۔
ملزمان بلوچستان سے براستہ حب ریور روڈ ٹیوٹا فیلڈر کار میں چرس, انڈین گٹکا اور الیکٹرونک آئٹمز اسمگل کر رہے تھے۔
ملزمان کے ناموں کی تصدیق خدائے داد ولد شاہ محمد، رحیم گل ولد سلطان محمد اور حضرت علی ولد عبدالولی سے ہوئی۔
ملزمان کو گرفتار کر کے گاڑی سے 3 کلو 625 گرام چرس، 48 پیکٹ انڈین JM گٹکا، سامسنگ LCD اور 5 عدد سامسنگ اینڈرائیڈ موبائل فون (نان کسٹم) برآمد کر لیے۔
ملزمان کے خلاف مقدمات کا اندراج کر کے تفتیش کا آغاز کر دیا گیا۔