پاک فوج نے سیلاب متاثرین کیلئے ہیلپ لائن قائم کردی

راولپنڈی: پاک فوج نے ملک میں حالیہ سیلاب متاثرین کے لیے ہیلپ لائن قائم کر دی۔پاک فوج کے شعبہ تعلقات عامہ (آئی ایس پی آر) کے مطابق پاک فوج کی ہیلپ لائن یونیورسل ایکسز نمبر 1135 ہے اور مختلف فارمیشنز میں آرمی ہیلپ ڈیسک یونیورسل ایکسز نمبر 1135 پر رابطہ کیا جا سکتا ہے۔

ملک بھر میں حالیہ بارشوں اور سیلاب کے باعث ہونے والی تباہی میں پاک فوج کے اہلکار اپنی ذمہ داریاں ادا کر رہے ہیں اور شدید متاثرہ علاقوں میں پھنسے لوگوں کو محفوظ مقامات پر منتقل کرنے کا سلسلہ جاری ہے۔

پاک فوج کی جانب سے خیبر پختونخوا، بلوچستان اور سندھ کے شدید متاثرہ علاقوں میں امدادی اشیا کی تقسیم کا سلسلہ بھی جاری ہے۔

پاک فوج کی جانب سے لاہورڈویژن  میں 10،ملتان11،گوجرانوالہ17 اوربہاولپورمیں 7  ریلیف کیمپ قائم کیے گئے ہیں جبکہ پنجاب رینجرزکا لاہور،سیالکوٹ،بہاولپور،منڈی بہاالدین،  فیصل آباداورسرگودھاڈویژن6 اورجہلم میں3 کیمپ قائم کیے گئے ہیں ،   خیبرپختونخوامیں ایبٹ آباداورمانسہرہ میں ریلیف کیمپ قائم کیے گئے ، بلوچستان میں41، ایف سی بلوچستان  نارتھ کے14 اورایف سی بلوچستان ساؤتھ  میں 3ریلیف کیمپ قائم کیے گئے ہیں ۔