الیکشن کمیشن لیڈی ہیلتھ ورکرز کی تعیناتی کا نوٹس لے: پی ڈی ایم

خیبر پختونخوا( اُمت نیوز)عبدالجلیل جان نے کہا ہے کہ خیبر پختونخوا حکومت ضمنی انتخابات چوری کرنے کیلئے زور لگا رہی ہے۔ اس مقصد کیلئے وزرا اور ماتحت اداروں کو الیکشن جیتنے کا ٹاسک دیا گیا ہے، الیکشن کمیشن پولنگ اسٹیشنوں پر لیڈی ہیلتھ ورکرز کی تعیناتی کا نوٹس لے۔
میڈیا سےگفتگو میں صوبائی ترجمان پاکستان ڈیموکریٹک موومنٹ (پی ڈی ایم) عبدالجلیل جان نے کہا کہ پاکستان تحریک انصاف (پی ٹی آئی) نے عمران خان کیلئے انتخابی مہم نہیں چلائی، تحریک انصاف کو اپنی حیثیت کا پتا چل چکا ہے۔
انھوں نے کہا کہ پولنگ اسٹیشنوں پر لیڈی ہیلتھ ورکرز تعینات کرکے صوبائی حکومت الیکشن جیتنے کیلئے ہر حربہ استعمال کرنا چاہتی ہے لیکن ہم آئین اور قانون سے ماورا کسی بھی اقدام کی اجازت نہیں دیں گے۔
عبدالجلیل جان نے کہا کہ آج پشاور، چارسدہ اور مردان سے تحریک انصاف کی سیاست کا جنازہ نکلے گا