حلقہ این اے 45 ،ضلع کرم میں ضمنی انتخاب آج

کرم(اُمت نیوز)ضلع کرم میں پی ٹی آئی کے ایم این اے ملک فخر زمان کے مستعفی ہونے سے خالی ہونے والے حلقہ حلقہ این اے 45 میں ضمنی انتخاب آج ہورہا ہے، پولنگ صبح 8 سے شام 5 بجے تک جاری رہے گی۔
چئیرمین پی ٹی آئی عمران خان اور پی ڈی ایم کے امیدوار جمیل خان سمیت 14 امیدواروں ضمنی انتخاب میں حصہ لے رہے ہیں۔
ڈسٹرکٹ الیکشن کمشنر عبد الرؤف خان کے مطابق حلقے میں رجسٹرڈ ووٹرز کی تعداد 1 لاکھ 98 ہزار 618 ہے جبکہ 143 پولنگ اسٹیشنز میں سے 119 کو حساس جبکہ 24 پولنگ اسٹیشنز کو انتہائی حساس قرار دیا گیا ہے۔
ضمنی انتخاب میں چئیرمین پی ٹی آئی عمران خان اور پی ڈی ایم کے امیدوار جمیل خان میں کاٹنے کا مقابلہ متوقع ہے۔