آزاد کشمیر،پی ٹی آئی امیدواروں کو ٹکٹ ٹاس پر دینے کی ویڈیو وائرل

مظفرآباد(اُمت نیوز) پاکستان تحریک انصاف (پی ٹی آئی) کی جانب سے آزادکشمیر کے بلدیاتی انتخابات کے لیے ٹاس کے ذریعے امیدواروں کو ٹکٹ دینے کی ویڈیو وائرل ہوگئی ہے۔
خیال رہے کہ 27 نومبر کو آزاد کشمیر میں بلدیاتی انتخابات ہونے جارہے ہیں جس کے لیے مظفر آباد میں ٹاس کے ذریعے فیصلہ کیا گیا کہ پی ٹی آئی کا امیدوار کون ہوگا۔
سوشل میڈیا پر جنرل سیکرٹری پی ٹی آئی آزادکشمیر راجہ منصور کی ٹاس کرکے ٹکٹ دینے کی فوٹیج وائرل ہوگئی ہے۔

"انوکھی ٹکٹ تقسیم "
آزاد کشمیر میں حکمران جماعت پاکستان تحریک انصاف نے بلدیاتی انتخابات کے لئے امیدواروں میں ٹاس کر کے ٹکٹ تقسیم کرنے کی انوکھی روایت قائم کر دی
جنرل سیکرٹری پی ٹی آئی آزادکشمیر راجہ منصور کی ٹاس کر کے پارٹی ٹکٹ دینے کی فوٹیج منظر عام پر آ گئی۔ pic.twitter.com/i7oAtgGxxF

— Asif Raza Mir (@AsifRazaMirak) November 1, 2022

ویڈیو میں دیکھا جاسکتا ہےکہ پی ٹی آئی جنرل سیکرٹری نے ٹاس کے ذریعے دو امیدواروں کے درمیان فیصلہ کیا جس کے بعد جیتنے والے امیدوار کو وہاں موجود افراد نے مبارک باد بھی دی۔