کراچی: پری انجینیئرنگ گروپ سال دوم کے نتائج کا اعلان کل ہوگا

کراچی :۔کراچی انٹر بورڈ کے تحت پری انجینیئرنگ گروپ سال دوم کے نتائج کا اعلان کل کیا جائے گا۔
ترجمان اعلیٰ ثانوی تعلیمی بورڈ کا کہنا ہے کہ تمام گروپس کے نتائج آنے کے بعد تقریب کی جائےگی۔
علاوہ ازیں جامعہ کراچی اکیڈمک کونسل نے بھی یونیورسٹی میں داخلےفوری شروع کرنےکی منظوری دے دی ہے۔
ذرائع جامع کراچی کا کہنا ہے کہ داخلے انٹرمیڈیٹ سال دوم کےنتائج کی بنیاد پر ہی دیے جائیں گے، نتائج کا انتظار کیے بغیر داخلوں کاعمل فوری شروع کیا جا رہا ہے، ویژؤل اسٹڈیز کا ٹیسٹ 4 دسمبر، بی ایس تھرڈائیر میں داخلوں کا ٹیسٹ 10 دسمبرکو ہوگا۔
ذرائع کے مطابق بی ایس فرسٹ ایئر میں داخلوں کیلئے ٹیسٹ 11 دسمبر کو لیے جائیں گے، ٹیسٹ کے بعد اوپن میرٹ کے داخلے شروع ہوں گے، نتائج کے اجراء کے بعد ہی میرٹ لسٹ تیار اور جاری ہوگی،جامعہ کراچی میں نیا تعلیمی سیشن جنوری کےآخریافروری کے آغاز سے ہوگا۔