کراچی، لانڈھی میں ڈاکو نجی دفترمیں گھس آئے،نقدی موبائل چھین کر فرار

 کراچی: شہر قائد میں سکھن کے علاقے لانڈھی، بھینس کالونی روڈ نمبر 6 پر قائم نجی دفتر میں ڈاکو گھس آئے، جو لوٹ مار کرکے باآسانی فرار ہونے میں کامیاب ہو گئے۔

ڈکیتی کی واردات کی سی سی ٹی وی فوٹیج منظر عام پر آگئی  ہے، جس میں دیکھا جا سکتا ہے کہ موٹرسائیکل پر سوار 4 مسلح ملزمان لوٹ مار کے لیے آتے ہیں۔2 مسلح ملزمان نجی دفتر میں داخل ہوئے  اور اسلحہ کے زور پر کاؤنٹر سے نقد رقم اور موبائل فون لوٹ کر باآسانی فرار ہوگئے ۔ فوٹیج میں ملزمان کی شکلیں واضح دیکھی جا سکتی ہیں۔