اسلام آباد: مارگلہ ہلز میں تیندوا مردہ حالت میں پایا گیا

اسلام آباد: نیشنل پارک مارگلہ ہلز میں تیندوا مردہ حالت میں پایا گیا ہے۔ ذرائع کا کہنا ہے کہ مبینہ طور پر نامعلوم افراد نے تیندوے کا شکار کیا ہے جبکہ وائلڈ لائف حکام اس خبر کو چھپانا چاہ رہے ہیں۔

تیندوے کو دور قبل ہلاک کیا گیا تھا۔ تیندوے کی پوسٹمارٹم رپورٹ جاری کر دی گئی ، رپورٹ کے مطابق تیندوےپر کسی نےحملہ نہیں کیا بلکہ وہ خود پہاڑی سے گر کرہلاک ہوا تھا۔
پوسٹمارٹم رپورٹ کے مطابق جنگلی تیندوا پہاڑی سے نیچے گرا تھا ، سر پر لگنے والی چوٹ اور زیادہ بہہ جانےوالا خون تیندوے کی ہلاکت کا باعث بنا ۔

اس سے قبل اسلام آباد کے نواحی علاقے سید پور میں خورات کی تلاش میں تیندوے انسانی آبادی میں گھس گئے تھے، اور تقریبا چار سے پانچ گندوےآبادی کے قریب منڈلاتے رہے۔

گزشتہ ماہ نومبر میں اسلام آباد وائلڈ لائف  مینجمنٹ بورڈ نے جنگلی تیندوے کی موجودگی کے باعث الرٹ جاری کرتے ہوئے مقامی آبادی اورسیاحوں کی آمدو رفت میں احتیاط کرنے کی ہدایت کی تھی۔