سابق کپتان مائیکل کلارک کو گرل فرینڈ نے تھپڑ رسید کر دیا

آسٹریلوی ٹیم کے سابق کپتان مائیکل کلارک کو ان کی دوست نے تھپڑ رسید کردیا۔

آسٹریلوی میڈیا کا دعویٰ ہے کہ مائیک کلارک ’گھریلو تشدد‘ کا شکار ہوئے جنہیں ان کی دوست نے اشتعال میں آکرزوردار تھپڑ مارا۔

قدرے دورسے کیمرے کی زد میں آنے والے اس واقعے کی ویڈیو وائرل ہے جس میں مائیکل کلارک کو ان کی گرل فرینڈ کےساتھ بحث کرتےدیکھا جا سکتا ہے۔

جھگڑے کے دوران کلارک اور ان کی دوست کے علاوہ دیگرلوگ بھی وہاں موجود ہیں جو مداخلت بھی کرتے نظرآرہے ہیں۔

آسٹریلوی ذرائع ابلاغ کے مطابق یہ واقعہ 10 جنوری کو پیش آیا تھا۔دوسری جانب کوئنز لینڈ پولیس نے بھی معاملے کی تحقیقات کا آغازکردیا ہے۔

پولیس کے ایک ترجمان نے کہا، ”کوئنز لینڈ پولیس اس ماہ کے شروع میں نوساویل کے جمپی ٹیرس پرلائنز پارک کی فوٹیج میں ایک 30 سالہ خاتون اور 41 سالہ مرد کے درمیان ہونے والے واقعے کی تحقیقات کر رہی ہے۔“