چینی شہری کو لوٹنے والا ٹیکسی ڈرائیور پکڑا گیا

کراچی(اسٹاف رپورٹر)پولیس نے کراچی میں چینی باشندے کولوٹنے والے ٹیکسی ڈرائیورکو گرفتار کرلیا۔ پولیس نے ملزم سے لوٹا ہوا سامان برآمد کرکے چینی شہری کے حوالے کردیا

چینی باشندے نے بتایاکہ گیارہ جنوری کو اس نے کراچی کے علاقے سی ویو سے ایک سفید کرولا بطور ٹیکسی بک کی ۔ اور اس کار میں وہ ہاکس بے  پہنچا اور سیر و تفریح کے لیے ساحل پر چلا گیا ۔ اس کا بیگ ٹیکسی میں چھوڑ گیا

بیگ میں اس کے 1 لاکھ روپے نقد، ایک لیب ٹاپ، ایک موبائل فون، ایک پاسپورٹ، ویزا کارڈ اور چائنیز شناختی کارڈ موجود تھے جو کار کا ڈرائیور لے کر فرار ہوگیا ۔ ملزم نے چینی  شہری کے کریڈٹ کارڈ کو استعمال کر کے 7 لاکھ روپے نکال لئے تھے

واردات کا مقدمہ نامعلوم ملزم کے خلاف تھانہ ماڑی پور میں درج کیا گیا

تفتیشی ٹیم نے تکنیکی ذرائع کی مدد سے واردات میں ملوث ملزم  قادر بخش ولد باسط کو گرفتار کیا تھا

ملزم کو چینی  شہری نے عدالت میں شناخت پریڈ کے دوران شناخت کرلیا

چینی  شہری نے چوری کیا گیا تمام سامان اور نقد رقم کی برآمدگی اور حوالگی پر سندھ پولیس کا شکریہ ادا کرتے ہوئے سندھ پولیس کی پیشہ ورانہ مہارت اور بھرپور تعاون کو سراہا