کراچی: تیزرفتارڈمپر نے موٹرسائیکل سواروں کو کچل ڈالا،3جاں بحق

کراچی: کورنگی  میں تیز رفتار ڈمپر نے موٹرسائیکل سوار فاسٹ فوڈ ملازمین کو کچل دیا۔ حادثے میں ایک جاں بحق اور 3 دیگر شدید زخمی ہو گئے۔

جمعےاورہفتے کی درمیانی شب کورنگی نمبر 4 گرلزکالج کے قریب تیزرفتار ڈمپرنے موٹرسائیکل کو کچل دیا جس کے نتیجے میں موٹرسائیکل پرسوارایک شخص موقع پرجاں بحق جب کہ 3 افراد زخمی ہوگئے، جنہیں فوری طورپر جناح اسپتال منتقل کیا گیا۔ جاں بحق ہونے والے شخص کی شناخت 28 سالہ زبیرکے نام سے کی گئی۔ زخمیوں میں 2 کے نام اعجازشاہد اورسجاد شامل ہیں۔

پولیس کے مطابق حادثے کے بعد ڈمپرڈرائیورموقع سے فرار ہوگیا، تاہم پولیس نے ڈمپر  کو تحویل میں لینے کے بعد تھانے منتقل کردیا  ہے۔

ڈمپر تلے کچلے جانے والے چاروں افراد نجی فاسٹ فوڈ شاپ پر ملازمت کرتھے اور چھٹی کے بعد ایک ہی موٹرسائیکل پر گھر جا رہے تھے کہ خوفناک حادثہ پیش آ گیا۔

دریں اثنا شارع فیصل کاشف سینٹر کے قریب تیز رفتار گاڑی ڈرائیور سے بے قابو ہونے کے بعد فٹ پاتھ پر چڑھ  کر الٹ گئی، جس کے نتیجے میں گاڑی میں سوار 3 افراد معمولی زخمی ہو گئے جنہیں فوری طور پر اسپتال منتقل کردیا گیا ۔