کراچی: رینجرز نے نیٹی جیٹی پل سے منشیات فروش خاتون پکڑلی

کراچی(اسٹاف رپورٹر)رینجرز اورپولیس نے انٹیلی جنس معلومات کی بنیاد پر مشترکہ کارروائی کرتے ہوئے کیماڑی کے علاقے نیٹی جٹی پل سے منشیات فروش نادیہ کو گرفتار کرلیا۔ملزمہ کے قبضے سے 3.5 کلو گرام حشیش اور ایک عدد موبائل فون بھی برآمد کرلیا گیا۔ترجمان رینجرز کے مطابق رینجرز نے خفیہ معلومات کی بنیاد پر کارروائی کرتے ہوئے ملزمہ کو نیٹی جیٹی پل کے مقام سے اس وقت رنگے ہاتھوں گرفتارکیا، جب ملزمہ منشیات کی سپلائی کے لیے پہنچی تھی۔ابتدائی تفتیش کے دوران ملزمہ نے کیماڑی،منگھوپیر اور گردونواح کے علاقوں میں منشیات فروخت کرنے کا اعتراف کرلیا ہے۔گرفتار ملزمہ کو منشیات اور موبائل فون کے ہمراہ پولیس کے حوالے کردیا گیا ہے۔