کراچی : اتحاد ٹاؤن سے جعلی رینجرز اہلکار گرفتار

کراچی( اسٹاف رپورٹر )اتحاد ٹاو ن پولیس نے جعلی رینجرز اہلکار کو گرفتار کر لیا۔پولیس کے مطابق ملزم رینجرز کی وردی پہن کر علاقے میں گھوم رہا تھا،ملزم کے بارے میں اطلاع موصول ہونے پر پولیس نے سیکٹر نائن ڈی اتحاد ٹاو ن سے ملزم کو گرفتار کیا۔ملزم خود کو رینجرز اہلکار ظاہر کرکے سادہ لوح لوگوں کو نوکری کا جعانسہ دیکر رقم بٹورنے میں بھی ملوث پایا گیا ہے۔ملزم کے خلاف مقدمہ الزام نمبر 47/23 بجرم دفعہ 170/171 ت پ درج کرکے مزید تفتیش کی جا رہی ہے۔