کراچی : منگھوپیرمیں خاتون بوڑھے شوہر کو چاقو سے زخمی کرکےفرار

کراچی (اسٹاف رپورٹر) منگھوپیر میں ایک خاتون نے مبینہ طور پر اپنے بوڑھے شوہر کو چاقو مار کر زخمی کر دیا۔واقعہ منگھوپیر تھانے کی حدود میں بلوچ پاڑہ کے علاقے سیر آباد میں واقع ایک گھر میں پیش آیا۔ اطلاع ملنے پر پولیس اور ریسکیو اہلکاروں نے گھر پہنچ کر زخمی کو عباسی شہید اسپتال منتقل کیا جہاں زخمی شخص کی شناخت 60 سالہ رب نواز ولد محب اللہ کے نام سے ہوئی ہے۔ پولیس نے ابتدائی تحقیقات کے حوالے سے بتایا کہ مضروب کی بیوی فوزیہ نے جھگڑے کے دوران اپنے شوہر ہر وارکیا اور انکے درمیان خاندانی تنازعہ چل رہا تھا۔ خاتون واقعے کے بعد فرارہونے میں کامیاب ہوگئی۔ پولیس نے مقدمہ درج کر کے مزید تفتیش شروع کر دی ہے۔