کراچی میں ایگریکلچرل فارمز لوٹنے والےبلوچستان سے گرفتار

کراچی (اسٹاف رپورٹر)کراچی  میں تین ایگری کلچرل فارمز سے لاکھوں روپے کا سامان اور مویشی لوٹنے والے تین ملزمان کو بلوچستان سے گرفتار کرلیا گیا

منگل کی رات میمن گوٹھ میں  مسلح ملزمان تین فارم ہاؤس کے عملے کو رسیوں سے باندھ کر لاکھوں روپے مالیت کا سامان اور مویشی لوٹ کر فرار ہوگئے تھے

ملزمان نے اسلحہ کے زور پر فارم ہاوس کے عملے کو یرغمال بناکر ہاتھ پاؤں باندھ کر ایک کمرے میں بند کردیا گیا ملزمان نے فارم ہاوسز میں موجود 100 سے زائد سولر پلیٹس اور انورٹر مہارت سے نکالے، جبکہ تینوں فارم ہاوس میں 60 سے زائد بکرے و بکریاں بھی ہمراہ لے گئے

متاثرہ افراد کے مطابق ملزمان بغیر کسی خوف کےرات بارہ سے صبح پانچ بجے تک واردات سر انجام دیتے رہے جبکہ فرار ہوتے وقت ملزمان عملے کے موبائل فونز اور قیمتی سامان بھی ساتھ لے گئے پولیس نے رپورٹ درج کرکے تفتیش شروع  کردی تھی

آج واردات میں ملوث  تین ملزمان کو بلوچستان سے گرفتار کرلیا گیا ۔ پولیس کا دعوی ہے کہُ ملزموں میں ڈکیت گروہ کامبینہ سرغنہ شامل ہے  لوٹاگیاسامان بھی برآمد کرلیا گیا