ملیر میں ناکام عاشق نے سرعام خود کو گولی ماردی

کراچی(اسٹاف رپورٹر)ملیرکینٹ میں نوجوان نے عشق میں ناکامی پر اہل محلہ کے سامنے خود کو گولی مار کر خودکشی کرلی۔تفصیلات کے مطابق ملیرکینٹ کے علاقے میں ریس کورس گراؤنڈ کے قریب سید ولیج میں فائرنگ سے نوجوان کی ہلاکت کی اطلاع پر پولیس موقع پر پہنچ گئی ، پولیس نے موقع معائنے کے بعد لاش کو ایمبولنس کی مدد سے جناح اسپتال منتقل کیا ، اس حوالے سے ایس ایچ او فیصل لطیف نے بتایاکہ متوفی کی شناخت 28سالہ راجہ علی ولد عبدالستارکے نام سے ہوئی جوکہ پیشے کے اعتبار سے ڈرائیور تھا ، علاقہ مکینوں نے راجہ علی نے سب کے سامنے کار میں بیٹھ کر خود کو گولی مارلی ،ابتدائی تفتیش کے دوران معلوم ہوا ہے کہ راجہ کسی لڑکی سے محبت کرتا تھا اس کی جانب سے منع کرنے پر دلبرادشتہ ہوکر خود کو گولی مارلی ، پولیس نے اسلحہ اور خول اپنی تحویل میں کرلی ، پولیس کے مطابق متوفی کا آبائی تعلق اندرون سندھ سے تھا تاہم پولیس نے قانونی کارروائی کے بعد لاش ورثا کے حوالے کردی اور واقعے کی مزید جانچ کا عمل شروع کردیا ۔