کراچی میں شہری گھرکی دہلیز پر لٹ گیا۔واردات کی وڈیو آگئی

کراچی(اسٹاف رپورٹر)شہر قائد میں اسٹریٹ کرائم کی وارداتوں میں تیزی آگئی ۔شہری گھر کی دہلیز پر بھی غیر محفوظ ہوگئے

سمن آباد بلاک 18 میں مسلح موٹرسائیکل سوار ملزمان نےبچے کو اسکول لے کر جانے والے شہری کو گھر کی دہلیز پر لوٹ لیا ۔ واردات کی سی سی ٹی وی وڈیو منظر عام پرآگئی ۔وڈیو میں موٹرسائیکل پر بیٹھے ملزم کا چہرہ واضح طور پر دیکھا جاسکتا ہے

وڈیو میں دیکھا جاسکتا ہے کہ ایک موٹر سائیکل پر سوار دو ملزمان آئے،ایک ملزم نے اسلحہ کے زور پر کار سوار کو لوٹا۔ ڈرائیونگ سیٹ کے برابر میں اسکول یونیفارم میں بچہ بیٹھا ہوا ہے، گھر کے گیٹ پر خاتون بھی دیکھی جاسکتی ہے

ملزم نے کار سوار کو لوٹنے کے بعد موٹر سائیکل سوار کو بھی لوٹا ،ملزمان سیکنڈوں میں واردات کرکے فرار ہوگئے