کراچی : سرجانی میں جھگڑے کے دوران اہلیہ قتل

کراچی(اسٹاف رپورٹر)سرجانی میں شوہر نے جھگڑے کے دوران فائرنگ کرکے بیوی کو جاں بحق کردیا اور فرار ہوگیا۔تفصیلات کے مطابق سرجانی کے علاقے عبدالرحیم گوٹھ کے مکان میں جھگڑے کے دوران فائرنگ سے خاتون جاں بحق ہوگئی۔

عباسی اسپتال میں خاتون کی شناخت 42 سالہ شاہدہ زوجہ جبل خان نیازی کے نام سے ہوئی۔ پولیس کے مطابق ملزم جبل خان نے جھگڑے کے دوران اپنی اہلیہ شاہدہ کو گولی ماری اور فرار ہوگیا۔مقتولہ 3 بچوں کی ماں تھی، جن میں 2 بیٹے اور ایک بیٹی شامل ہیں۔