کراچی:اورنگی ٹاؤن کے اسکول میں فائرنگ،طالبہ زخمی

کراچی(اسٹاف رپورٹر)کراچی کے علاقے اورنگی ٹاؤن میں اسکول میں فائرنگ سے طالبہ زخمی ہوگئی

اسکول انتظامیہ کے پولیس کو دیئے گئے بیان کے مطابق فائرنگ کلاس روم کے اندر ہوئی ،ساتھی طالب علم اسکول بیگ میں اسلحہ لایا تھا۔کلاس کے اندر اچانک گولی چلنے سے طالبہ زخمی ہوگئی

پولیس کا کہناہے کہ گولی حادثاتی طور پر چلی یا لڑکی کو زخمی کیا گیا اس بارے میں تحقیقات کی جارہی ہے ۔ واقعے کے بعد طالب علم فرار  ہےاور اس کے گھر والوں نے بھی موبائل فون بند کردیا ہے

چند ماہ قبل گلشن اقبال میں بھی اسکول کے اندر فائرنگ کرکے نویں جماعت کے طالب علم کو قتل کردیا گیا تھا ، جس کا ملزم آج تک گرفتار نہ ہو سکا