گوجرانوالہ،دو گروپوں میں تصادم ،11 افراد زخمی

گوجرانوالہ( اُمت نیوز) پنجاب کے ضلع گوجرانوالہ کے علاقے گورونانک پورہ میں دو گروپوں کے درمیان فائرنگ کے نتیجے میں 11 افراد زخمی ہو گئے۔
ایس پی سٹی غیور احمد خان کے مطابق واقعے میں ملوث زیادہ تر لوگ دکاندار ہیں جو اب دکانوں کو تالے لگا کر فرار ہیں۔
فائرنگ کے نتیجے میں زخمی ہونے والے افراد میں بچے بھی شامل ہیں جبکہ تمام زخمیوں کو طبی امداد کیلئے ہسپتال منتقل کردیا گیا ہے۔
ایس پی سٹی نے مزید بتایا کہ واقعہ کا مقدمہ درج کرکے قانونی کارروائی کا آغاز کردیا گیا ہے۔