عمران خان نے کل لاہور میں انتخابی ریلی نکالنے کا اعلان کردیا

لاہور (مانیٹرنگ ڈیسک)چیئرمین پاکستان تحریک انصاف عمران خان نے کل لاہور اپنی زیرقیادت انتخابی ریلی نکالنےکا اعلان کردیا

ویڈیو لنک سے خطاب میں عمران خان نے مطالبہ کیا کہ علی بلال کی موت پر چیف جسٹس لاہور ہائی کورٹ نوٹس لیں ، اور جوڈیشل کمیشن بنائیں ۔

عمران خان نے آئی جی، وزیراعلیٰ،سی سی پی او سے استعفے لینے  کا بھی مطالبہ  کیا ۔

پی ٹی آئی چیئرمین نے کہا کہ مجھے اپنے گھر میں ظل شاہ کی آواز آتی تھی، ظل شاہ ایک ملنگ اور اسپیشل چائلڈ تھا، اسلام آباد میں 25 مئی کو ظل شاہ کا بازو توڑ دیا تھا، ظل شاہ کو حراست میں بہیمانہ تشدد کا نشانہ بنایا گیا۔

عمران خان نے کہا کہ محسن نقوی کو پی ٹی آئی سے نفرت کرنے کی وجہ سے وزیر اعلیٰ بنایا گیا، ظل شاہ کو مارنےکے بعد پہلے مجھ پر قتل کا مقدمہ بنایا، اب آئی جی پولیس کہتے ہیں کہ ظل شاہ کی موت ایک حادثہ ہے، آئی جی کو شرم آنی چاہیے پہلے قتل کہا اب حادثہ کہہ رہے ہیں، قتل کو کور اپ کرنے کیلئے لوگوں سے بیانات دلوا رہے ہیں، ظل شاہ کی پوسٹ مارٹم رپورٹ لکھنے والوں پر شدید دباؤ ڈالا گیا۔

عمران خان نے کہا کہ محسن نقوی کو پی ٹی آئی سے نفرت کرنے کی وجہ سے وزیر اعلیٰ بنایا گیا، ظل شاہ کو مارنےکے بعد پہلے مجھ پر قتل کا مقدمہ بنایا، اب آئی جی پولیس کہتے ہیں کہ ظل شاہ کی موت ایک حادثہ ہے، آئی جی کو شرم آنی چاہیے پہلے قتل کہا اب حادثہ کہہ رہے ہیں، قتل کو کور اپ کرنے کیلئے لوگوں سے بیانات دلوا رہے ہیں، ظل شاہ کی پوسٹ مارٹم رپورٹ لکھنے والوں پر شدید دباؤ ڈالا گیا۔

پی ٹی آئی چیئرمین نے کہا کہ اس سے اندازہ لگالیں گے کہ یہ لوگ قوم کو کتنا بیوقوف سمجھتے ہیں، جو بات خواجہ آصف نے کہی وہی بات کہنے پر شہباز گل پر پرچہ کیا گیا، نا معلوم افراد نے فیصلہ دیا کہ شہباز گل اور اعظم سواتی پر تشدد نہیں ہوا،جنہوں نے مجھے قتل کرنا تھا وہ آج حکومت میں بیٹھے  ہوئے ہیں۔

عمران خان نے کہا کہ اگر سابق وزیراعظم کو انصاف نہیں مل سکتا تو عام آدمی کو کیسے ملے گا؟ قوم کا سب سے بڑا مجرم آصف زرداری سندھ میں بیٹھا ہوا ہے، سندھ میں زمینیوں پر قبضے کیلئے غریبوں کی عورتیں تک اٹھا لیتے ہیں

انہوں نے کہا کہ جب الیکشن کا اعلان ہوگیا تو الیکشن ریلی پر تشدد کیوں کیا گیا ۔کل الیکشن ریلی کو لیڈ کروں گا ۔قوم نکلے اور بتائے ہم بھیڑ بکریاں نہیں ، انسان ہیں

عمران خان نے خدشہ ظاہر کیا کہ الیکشن سے پہلے یہ کچھ نہ کچھ کریں گے۔ یہ دھماکا کرائیں گے یا قتل کرائیں گے ۔ مجھے بھی قتل کا پلان بنا رکھا ہے

عمران خان نے کہا کہ لندن میں بیٹھا سزایافتہ بھگوڑا ملک کے فیصلے کررہا ہے