جنوبی وزیرستان میں فورسز کا آپریشن، 8 دہشتگرد ہلاک

جنوبی وزیرستان(اُمت نیوز) جنوبی وزیر ستان میں فورسز نے آپریشن کے دوران 8 دہشتگرد ہلاک کردیئے ہیں۔
تفصیلات کے مطابق دہشت گردوں کیخلاف یہ آپریشن جنوبی وزیرستان کے علاقے زنغارہ میں کیا گیا جس میں فائرنگ کے تبادلے میں آٹھ دہشت گرد مارے گئے۔
آئی ایس پی آر کا کہنا ہے کہ جنوبی وزیرستان کے علاقے زنغارہ میں آپریشن کیا گیا ہے۔ آپریشن میں سیکیورٹی فورسز کے 2 جوان زخمی ہوئے ہیں۔
آئی ایس پی آر کے مطابق فائرنگ کے تبادلے کے دوران بدقسمتی سے 2 بچے شہید ہوئے ہیں۔
آپریشن علاقے میں دہشت گردوں کی موجودگی کی اطلاع پر کیا گیا۔