کراچی کی پنک بس بارش میں حادثے کا شکار

کراچی(امت نیوز)شہرقائد میں خواتین کے لیے چلنے والی خصوصی سرکاری پنک بس بارش میں حادثے کا شکار ہوگئی ۔خوش قسمتی سے کوئی مسافر زخمی نہیں ہوئی

پولیس کے مطابق ٹاور سے ماڈل کالونی کی طرف جانے والی پنک بس تیز بارش کے دوران بے قابو ہوکرشاہراہ فیصل پر فوزیہ وہاب فلائی اوور کی فٹ پاتھ اور حفاظتی دیوار سے ٹکرا گئی۔

حادثے کے بعد بس شارِع فیصل پر ترچھی ہو گئی جس سے مرکزی شاہراہ کے چاروں ٹریک آمد و رفت کے لیے بند ہو گئے۔

پولیس نے موقع پر پہنچ کر ٹریفک کا رخ دوسری طرف موڑا کردیا جبکہ ہیوی مشینری کو منگوا کر بس کو سڑک سے ہٹا دیا گیا۔

پولیس کے مطابق اس حادثے میں بس کو نقصان پہنچا ہے ۔ بس میں سوار تمام خواتین مسافر محفوظ رہیں۔