شہر قائد : مختلف علاقوں سے منشیات فروش خاتون سمیت24 ملزم گرفتار

کراچی(اسٹاف رپورٹر)پولیس نے شہر قائد مختلف علاقوں میں کارروائیوں کے دوران منشیات فروش خاتون،شراب سپلائر سمیت 24ملزمان کو گرفتار کرلیا،اسلحہ،چوری شدہ موٹرسائیکلیں،کرسٹال،ہیروئین،چرس ،گٹکا ماواودیگر سامان برآمد کرنے کا دعوی۔

تفصیلات کے مطابق ملیر سٹی پولیس نے منشیات فروش عورت عالیہ زوجہ ایاز کو گرفتارکرکے 610 گرام کرسٹال برآمد کر لی۔سعودآباد پولیس نے2 شراب سپلائر ندیم احمد اور عارف خان کو گرفتارکرکے 110 شراب کی بوتلیں برآمد کرلیں، شیرشاہ پولیس نے دو ملزمان عبدالحفیظ اورریاض کو گرفتارکرکے اسلحہ ، چھینے گئے موبائل فونز ، نقد رقم اور موٹرسائیکل برآمد کر لی۔کلری پولیس نے تین ملزمان حمید، رضوان پٹھان اور رمضان گھڑائی کو گرفتارکرکے ایک پستول،14 شراب کی بوتلیں اور گٹکاماوا برآمدکرلیا۔سائٹ بی پولیس نے دو منشیات فروش عبدالواسیع اور فریال ولد عبدالمنان کو گرفتارکرکے ایک کلو ہیروئین برآمد کرلی۔

ابراہیم حیدری پولیس نے ایک منشیات فروش سلمان کو گرفتارکرلیا،ساتھی شمشیر موقع سے فرار ہوگیا،فرار اور گرفتارملزمان سے پولیس نے 2کلو سے زائد چرس برآمد کرلی۔ شاہ فیصل کالونی پولیس نے منشیات فروش اسرار کو گرفتارکرکے آدھا کلو سے زائد چرس برآمد کرلی۔ بلدیہ ٹاؤن پولیس نے منشیات فروشی و موٹرسائیکل لفٹنگ میں ملوث دوملزمان کامل اور بلال کو گرفتار کرکے 103 گرام ہیروئین اور چوری شدہ موٹرسائیکل برآمد کرلی۔

پیرآباد پولیس نے اسٹریٹ کرائم میں ملوث ملزم موسی خان کو گرفتار کرکے اسلحہ ،موبائل فون اور نقدی برآمد کرلی ، عوامی کالونی پولیس نے 5گٹکا ماوا فروش حمزہ، یوسف، علی، رضوان عرف فیضان اور سلیم شہزاد کو گرفتارکرکے 8 کلو سے زائدگٹکا ماوا برآمد کرلیا۔ کورنگی پولیس نے گٹکا ماوا فروش انورکو گرفتارکرکے چار کلو گٹکا ماوا برآمد کرلیا۔علاوہ ازیںزمان ٹاؤن پولیس نے منشیات فروش رضوان اور گٹکا فروش خلیل بیگ کو گرفتاکرکے منشیات اور گٹکا برآمد کرلیا۔