اورنگی ٹاؤن میں گٹر میں گر کر خاتون سمیت 2افراد جاں بحق

کراچی (اسٹاف رپورٹر)کراچی کے علاقے اورنگی ٹاؤن نمبر 14 میں بھاشانی بیکری کے قریب گٹر میں گرکر خاتون سمیت 2 افراد جاں بحق ہوگئے

عینی شاہدین کے مطابق موٹر سائیکل سوار دو افراد گٹر کے قریب سے گزر رہے تھےکہ انہوں نے ایک خاتون کو گٹر میں گرتے دیکھا

موٹر سائیکل سوار ایک شخص نے خاتون کو بچانے کے لئے گٹر چھلانگ لگائی دی۔کافی دیر تک چھلانگ لگانے والے شخص کے اوپر نہ آنے پر دوسرا بھی گٹر میں کود پڑا

ایدھی ذرائع کے مطابق جاں بحق خاتون کی شناخت 48 سالہ رضیہ بیگم کے نام سے کی گئی جو اسی علاقے کی رہائشی تھی۔جبکہ جاں بحق مرد کی ابھی تک شناخت نہیں ہوسکی۔  پولیس حکام نے مطابق عینی شاہدین کا کہنا تھا متوفی کے ہمراہ ایک دوسرا شخص بھی ساتھ تھا جس نے اپنے ساتھی کو بجانے کی کوشش کی ناکامی پر شور شرابہ کرکے لوگوں کو جمع کرلیا اور رش ہوتے کے بعد سے نظر نہیں آیا