کراچی : جوہرمیں بیوی نے فائرنگ کرکےشوہر مارڈالا

کراچی (اسٹاف رپورٹر) گلستان جوہر کےعلاقے حسین ہزارہ گوٹھ میں جھگڑے کے دوران بیوی نے شوہر کو فائرنگ کرکے قتل کردیا پولیس نے ملزمہ کو گرفتارکرکے اسلحہ برآمد کرلیا ، تفصیلات کے مطابق گلستان جوہر کے علاقے بلاک گیارہ میں قائم حسین ہزارہ گوٹھ میں گھر کے اندر فائرنگ کے واقعے میں 40سالہ ضمیر حسین نامی جاں بحق ہوگیا اس اطلاع پر پولیس اور ریسکیو عملہ موقع پر پہنچ گیا.

پولیس نے موقع معائنے کے بعد لاش کو ایمبولنس کی مددسے جناح اسپتال منتقل کیا ،اس حوالے سے ایس ایچ او عدیل افضال نے بتایاکہ پولیس نے مقتول کی اہلیہ رشنا پروین کو گرفتارکرکے نائن ایم ایم پستول برآمد کرلی ، ابتدائی طور پر پولیس کو معلوم ہوا ہے کہ گھر میں جھگڑے کے دوران ملزمہ نے شوہرپر فائرنگ کردی ۔