کراچی کا پولیس اہلکار موٹرسائیکل چھیننے میں ملوث نکلا

کراچی(اسٹاف رپورٹر)عوام کی جان و مال کا محافظ کراچی کا پولیس اہلکار خود موٹرسائیکل چھیننے میں ملوث نکلا

ایئر پورٹ پولیس نے اہلکار ذیشان کو ساتھی سمیت گرفتار کرلیا ،پولیس کے مطابق گرفتار ملزم ڈسٹرکٹ ایسٹ شعبہ تفتیش میں تعینات ہے، ملزم نے دوساتھیوں سمیت گزشتہ روز شہری سےموٹرسائیکل چھینی، واردات کے دوران شہری سے لوٹ مار بھی کی گئی تھی

پولیس کے مطابق موٹرسائیکل ٹریکنگ کے دوران لوکیشن پولیس لائن شاہراہ فیصل کی آئی تھی، موٹر سائیکل ایس ایس پی ایسٹ آفس کے عقبی سوسائٹی میں کھڑی کی گئی تھی جسے ملیر انویسٹی گیشن پولیس نے چھاپہ مار کر برآمد کرلیا۔

متاثرہ افراد کا دعویٰ ہے کہ پولیس اہلکار کی جانب سے ایک 125 موٹر سائیکل، دو عدد موبائل فونز اور تقریباً ایک لاکھ روپے نقد چھینے گئے۔