کراچی پر بادل برس پڑے، موسم خوشگوار

کراچی (اسٹاف رپورٹر)شہر قائد کے مختلف علاقوں میں بارش سے موسم خوشگوار ہوگیا
کراچی کے علاقے سرجانی ٹاؤن، یونیورسٹی روڈ، ملیر، نیا ناظم آباد، نارتھ کراچی، شرف آباد، گلبہار سمیت مختلف علاقوں میں کالی گھٹا چھانے کے بعد بادلوں نے برسنا شروع کیا
محکمہ موسمیات کے مطابق بارش کا نیا سسٹم کراچی میں داخل ہوگیا ہے، جس کے بعد اتوار کی رات تک وقفے وقفے سے بارش کا امکان ہے۔
بارش کے پیش نظر متعلقہ اداروں کو اقدامات کی ہدایت کردی گئی ہے جبکہ کے الیکٹرک نے شہریوں سے اپیل کی ہے کہ وہ بارش کے دوران یا گیلے جسم کے ساتھ برقی آلات کو ہاتھ لگانے سے گریز کریں۔
برسات کے بعد سڑکوں پر پھسلن کی وجہ سے موٹرسائیکل سواروں کو بھی احتیاط سے بائیک چلانے کا مشورہ دیا گیا ہے۔