کراچی : 16 مقابلوں میں ایک ڈاکو ہلاک ، 18زخمی ہوئے، کراچی پولیس

کراچی(اسٹاف رپورٹر) شہرمیں ایک ہفتے میں انسداد جرائم کے دوران ڈاکوؤں سے ضلعی پولیس کے 16 مقابلے ہوئے، فائرنگ کے تبادلے میں ایک ڈاکوہلاک جبکہ 18 زخمی ڈاکوؤں سمیت مجموعی طور پر 757 ملزم کوگرفتارکیا گیا، گرفتار ملزمان سے 23 مختلف اقسام کا غیر قانونی اسلحہ اور 8 موٹرسائیکلیں برآمد کئے گئے جبکہ برآمدہ اسلحہ کو فارنزک کیلئے روانہ کردیا گیا ہے۔

ترجمان کراچی پولیس کے مطابق پولیس نے گزشتہ ہفتے کے دوران کراچی کے ایسٹ، ویسٹ اور ساوتھ ذونز میں چھاپےمارے گئے۔ پولیس کیجانب سے منشیات کیخلاف جاری مہم کے دوران مختلف علاقوں سے لاکھوں روپے مالیت کی 49 کلو877 گرام چرس، آئس/کرسٹال ، 29 شراب کی بوتلیں اور ہیروئن برآمد کی گئی۔

گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 100 سے زائد مختلف اقسام کا غیر قانونی اسلحہ بمعہ ایمونیشن تحویل میں لے لیا۔ کراچی پولیس نے مختلف علاقوں میں کارروائیاں کرتے ہوئے مجموعی طور پر چھینی و چوری شدہ 34 موٹرسائیکلیں تحویل میں لیں۔