کراچی : سپرہائی وے بین الصوبائی ڈکیت گروہ کے 3 کارندےگرفتار

کراچی (امت نیوز) سپرہائی وے پرملیرکینٹ موڑ کےقریب پولیس نے کارروائی کرتے ہوئے بین الصوبائی ڈکیت گروہ کے 3 کارندے دھر لیے۔ پولیس کے مطابق گرفتار ملزمان سے 26 قیمتی موبائل فون، 3 پستول اور 50 سے زائد موبائل سم کارڈز برآمد ہوئے۔

پولیس کا کہنا ہےکہ گرفتار ملزمان بین الصوبائی ڈکیت گروہ کےکارندے ہیں، ملزمان ساتھیوں کی مدد سے آئی ایم ای آئی نمبرتبدیل کرتے تھے اور آئی ایم ای آئی نمبر تبدیل کرکے موبائل کوریئرکمپنی کے ذریعےکوئٹہ، ایران اور افغانستان بھیجتے تھے۔

ملزمان نے ایک سال میں 500 سے زائد موبائل فونز چھین کر پڑوسی ممالک سپلائی کرنے کا انکشاف کیا۔ ملزمان کی شناخت عبدالمنان، جمال الدین ناصر اور محمد فرحان کے نام سے ہوئی ہے۔