کراچی :اورنگی میں موٹرسائیکل سوارجوڑا نالے میں گرگیا،بچہ لاپتہ

کراچی (اسٹاف رپورٹر) اورنگی ٹاؤن کے علاقے اسلام چوک بے نظیر کالونی گلوبل اسکول کے قریب نالے میں گرنے والا کمسن بچہ لاپتہ ہوگیا ، واقعہ کی اطلاع ملتے ہی ایدھی اور چھیپا کے رضا کار موقع پر پہنچ گئے اور بچے کی تلاش کا عمل شروع کر دیا ، چھیپا حکام کا کہنا ہے کہ ابتدائی طور پر بتایا گیا ہے کہ بارش کی وجہ نالا بھرنے اور سڑک پر پانی جمع ہونے کی وجہ سے موٹر سائیکل سوار کو اندازہ نہیں ہو سکا کہ اور وہ نالے میں موٹر سائیکل سمیت گر گیا جبکہ موقع پر موجود افراد نے میاں اور بیوی کو سخت جدوجہد کے بعد باہر نکال لیا لیکن بچے کا پتہ نہ چل سکا ، آخری اطلاعات آنے تک نالے میں گر کر لاپتہ بچے کی تلاش کا عمل جاری تھا جس میں کوئی کامیابی حاصل نہیں ہو سکی ۔