گڈاپ ۔شاہ لطیف میں ڈکیتی مزاحمت پرباپ۔ بیٹے سمیت 3 افراد زخمی

کراچی (اسٹاف رپورٹر) شہر کے مختلف علاقوں میں ڈکیتی کے دوران مزاحمت پر ڈاکوؤں کی فائرنگ سے باپ اور بیٹے سمیت 3 افراد زخمی ہوگئے،گڈاپ سٹی کے علاقے سپرہائی وے نجی ہاؤسنگ سوسائٹی کے قریب ڈکیتی مزاحمت پر فائرنگ سے 52 سالہ مرتضیٰ اور اس کا بیٹا 20 سالہ محمد وارثی زخمی ہوگئے۔

زخمیوں کو اسپتال منتقل کردیا گیا جبکہ شاہ لطیف ٹاؤن کے علاقے میں 30 سالہ طاہر نامی شخص ٹانگ پر گولی لگنے سے زخمی ہوگیا، جسے ایدھی کے رضا کاروں نے طبی امداد کے لیے جناح اسپتال پہنچایا ، ریسکیو حکام کا کہنا ہے کہ واقعہ ڈکیتی کے دوران مزاحمت پر پیش آیا۔