کراچی پولیس مقابلوں میں 6 زخمی سمیت 22 ملزم گرفتار

کراچی(اسٹاف رپورٹر) پولیس نے شہر کے مختلف علاقوں میں مبینہ مقابلوں اور چھاپہ مار کارروائیوں کے دوران 6زخمی سمیت 22 ملزمان کو گرفتارکرکے اسلحہ اور مسروقہ سامان برآمد کرلیا ۔تفصیلات کے مطابق شاہ فیصل کالونی پولیس نے شاہ بند ندی کے مقام پر مبینہ پولیس مقابلے میں 2 ملزمان مظفرعلی ولد علی اصغراور لیاقت ولد رحمت علی کو زخمی حالت میں گرفتارکرکے قبضے سے 2 پستول، چھینے گئے موبائل فون، پارس اور موٹرسائیکل برآمد کرلی، پیرآباد پولیس نےمنگھو پیرروڈ کے قریب مبینہ پولیس مقابلے میں 3 زخمی ملزموں حمید شاہ ولد اکرم شاہ ،ساجد ولد مصری ملک،نثارولد خان اور ساتھی سہیل ولد عبدالرزاق کو گرفتارکرکے 2 پستول، 3 چھینے گئے موبائل فونز اورموٹر سائیکل برآمد کر لی

سچل پولیس نے مدینہ کالونی نزد سرسید چوک کے قریب مبینہ پولیس مقابلے میں ایک ملزم شیر محمدعرف شیرا کو زخمی حالت میں گرفتارکرلیا،جبکہ ساتھی موقع سے فرا رہوگیا۔پولیس نے زخمی ملزم کے قبضے سے ایک پستول،موبائل فون اور موٹر سائیکل برآمد کر لی، شاہ لطیف ٹاون پولیس نے منشیات فروش آفتاب اور اسٹریٹ کریمنل شیرواللہ کو گرفتارکرکے ایک کلو100 گرام چرس اوراسلحہ برآمدکرلیا۔ اقبال مارکیٹ پولیس نے دومنشیات فروش مختیارعرف طلحہ اورحمزہ کو گرفتارکرکے منشیات برآمد کرلی۔

منگھوپیر پولیس نے اسٹریٹ کرائم میں ملوث 2 ملزمان عرفان اورعمران کو گرفتارکرکے اسلحہ بمعہ ایمونیشن، شہری سے چھینا گیا موبائل فون،مومن آباد تھانے کی حدود سے چوری شدہ موٹرسائیکل اور نقدی برآمدکرلی۔عوامی کالونی پولیس نے شہری سے لوٹ مار کرنے والے ملزم زبیر اکبر کو گرفتارکرکے اسلحہ اور موبائل فون برآمد کرلیا۔

سکھن پولیس ایک ملزم منیر کو گرفتارکرکے اسلحہ اور چھینا ہوا موبائل فون برآمد کرلیا۔ کورنگی صنعتی ایریا پولیس اسٹریٹ کریمنل اورگٹکا فروش سمیت 4 ملزم محمد علی، فراز، ارشد اور غلام رسول کو گرفتارکرکے اسلحہ ،مسروقہ موبائل فونز اورگٹکا برآمد کرلیا۔ پی آئی بی کالونی پولیس نے گٹکا ماوا فروش ملزم شمس عرف شمن کوگرفتارکرکے گٹکا ماوا برآمد کرلیا۔قائد آباد پولیس نے اسٹریٹ کرائم کی وارداتوں میں ملوث ملزم محمد جاوید اورگٹکا فروش محمد عرفان کو گرفتارکرکے اسلحہ اورگٹکا برآمد کرلیا۔