کراچی : فائرنگ کے واقعات میں کمسن لڑکے سمیت 2 افراد زخمی ہوگئے

کراچی (اسٹاف رپورٹر) شہر کے مختلف علاقوں میں فائرنگ کے واقعات میں کمسن لڑکے سمیت 2 افراد زخمی ہوگئے ۔ تفصیلات کے مطابق ناظم آباد عباسی شہید اسپتال کے قریب فائرنگ کے پراسرار واقعہ میں 28 سالہ شاہد ہاتھ پر گولی لگنے سے زخمی ہوگیا جسے فوری طور پر عباسی اسپتال لیجایا گیا ۔ریسکیو حکام کے مطابق واقعہ اتفاقیہ گولی گھر میں چلنے کا بتایا جا رہا ہے ْ

پاک کالونی کے علاقے زبیری کالونی قادریہ مسجد کے قریب فائرنگ سے 6 سالہ محمد رضا گولی لگنے سے زخمی ہوگیا جسے فوری طبی امداد کے لیے عباسی شہید اسپتال لایا گیا ، ریسکیو حکام کے مطابق واقعہ شادی کی تقریب میں فائرنگ کے دوران پیش آیا جبکہ پشت پر لگنے والی گولی پیٹ سے پار ہوگئی تھی ۔