کراچی : آگرہ تاج میں تیز رفتار گاڑی نے موٹر سائیکل سوار کچل دیا

کراچی(اسٹاف رپورٹر)آگرہ تاج میں تیز رفتار گاڑی نے موٹر سائیکل سوار کچل دیا، تفصیلات کے مطابق لیاری کے علاقے آگرہ تاج مچھر کالونی موڑ کے قریب تیزرفتار گاڑی نے موٹرسائیکل سوارکو کچل دیا ،اطلاع ملتے ہی پولیس اور ریسکیوٹیم نے لاش سول اسپتال پہنچائی،جہاں متوفی کی شناخت 30سالہ عبدالقادر ولد عبدالرحمان کے نام سے کی گئی،پولیس کے مطابق متوفی لیاری کارہائشی ہے۔

عیدگاہ کے علاقےرنچھوڑلائن نزد حاجی محفوظ شیرمال کے قریب گھر کی چھت سے گر کر75 سالہ سکینہ خاتون جاں بحق ہوگئی،اطلاع ملتے ہی پولیس اور ریسکیوٹیم موقع پر پہنچ گئی اور خاتون کی لاش کو اپنی تحویل میں لیکر پوسٹ مارٹم کیلئے سول اسپتال پہنچایا،پولیس واقعے کے حوالے سے مزید تفتیش کررہی ہے۔

علاوہ ازیں شاہ لطیف ٹاؤن سکیٹر 19 بی کے قریب لاش کی اطلاع پر پولیس اور ریسکیوٹیم موقع پر پہنچ گئی اور35سالہ شخص کی لاش کو اپنے تحویل میں لیکر جناح بعدازاں سردخانے منتقل کردیا۔تیموریہ کے علاقے بفرزون سیکٹر 15A-1 کار مارکیٹ کے قریب کھڈے میں لاش کی اطلاع پر پولیس اور ریسکیوٹیم نے38سالہ شخص کی لاش کو اپنے تحویل میں لیکر عباسی شہید اسپتال بعدازاں سردخانے منتقل کردیا ،پولیس کے مطابق دونوں متوفی نشئی تھے اور دونوں نشے کی زیادتی کے باعث ہلاک ہو ئے ہیں ۔