کراچی : مبینہ مقابلہ، ایک ڈاکو ہلاک دوسرازخمی حالت میں گرفتار

کراچی(اسٹاف رپورٹر)کراچی کے علاقے ڈیفنس خیابان شمشیر کے قریب مبینہ پولیس مقابلے میں ایک ڈاکو مارا گیا، جبکہ دوسرے کو زخمی حالت میں گرفتار کرلیا گیا

پولیس حکام کے مطابق ہلاک وزخمی ملزم شہری سے لوٹ مار  کررہے تھے کہ پولیس اہلکار موقع پر پہنچ گئے

ملزمان نے پولیس کو دیکھتے ہی فائرنگ شروع کردی، جوابی کارروائی میں ایک ڈاکو موقع پر ہی ہلاک ہوگیا، جبکہ دوسرا زخمی ہوا۔ جسے گرفتار کرلیا گیا

پولیس کے مطابق ملزمان  جس شخص کو لوٹ رہے تھے وہ خوفزدہ ہو کر بھاگ گیا