کراچی : کھارا در میں مقابلے کے بعد زخمی سمیت 3 ملزم گرفتار

کراچی( اسٹاف رپورٹر ) پولیس نے مبینہ مقابلے اور چھاپہ مار کارورائیوں کے دوران ایک زخمی ملزم اور منشیات فروشوں سمیت 5ملزمان دھرلیے،سپر ہائی وے اور کورنگی میں عوام کے تشدد سے 3 ملزمان زخمی۔تفصیلات کے مطابق کھارادر کے علاقے اوکھائی میمن مسجد کے قریب زاہد نامی شہری سے مسلح ملزمان موٹر سائیکل چھین کر فراررہے تھے کہ ملزمان کا پولیس سے سامنا ہوگیا،دوطرفہ فائرنگ کے تبادلے میں پولیس نے ایک زخمی ملزم شاہ جہاں اور دوساتھیوں سجاد اور یاسر کو گرفتارکرلیا،جبکہ ایک ساتھی فرار ہو گیا۔

پولیس کادعویٰ ہے کہ ملزمان پولیس کو درجنوں وارداتوں میں انتہائی مطلوب تھے،ملزمان سے 2 پستول ، 2 چھینی ہوئی موٹر سائیکلیں اور 3 چھینے ہوئے موبائل فونز برآمد ہوئے ہیں، ملزم شاہ جہان 6 مقدمات میں گرفتار ہوکر جیل بھی جا چکا ہے، ملزم یاسر 2 مقدمات میں گرفتار ہوکر جیل جا چکا ہے۔

ادھرسائٹ سپر ہائی صنعتی ایریا کے علاقے احسن آباد میں لوٹ ما رکرنے والے دو ملزمان کو عوام نے پکڑ لیا اور تشدد کا نشانا بنا ڈالا،اطلاع ملنے پرپولیس موقع پرپہنچی اورعوام کے چنگل سے دونوں ملزمان فرحان اور حمزہ کو نکال کر علاج کیلئے عباسی شہید اسپتال منتقل کیا،جن سے پولیس مزید تحقیقات کررہی ہے جبکہ کورنگی صنعتی ایریا کے علاقے میں لوٹ مارکرنے والاایک ڈکیت عوام کے ہتھے چڑھ گیا،جسے عوام نے تشدد کا نشانا بنایا، اطلاع ملنے پرپولیس موقع پرپہنچی اور ملزم کو تحویل میں لے کر اسے طبی امدا دکیلئے اسپتال منتقل کیا،فوری طور پر زخمی ملزم کی شناخت نہیں ہوسکی،جبکہ اس کا ساتھی موقع سے فرار ہوگیا،۔

پولیس نے ملزم کے قبضے سے ایک پستول اورچھینے گئے دو موبائل فونز برآمد کرلیئے،پولیس کا کہنا ہے کہ دونوں ملزمان اسلحے کے زور پر شہریوں سے لوٹ مارکررہے تھے۔۔نیو ٹاؤون پولیس نے منشیات فروش جاوید عرف کالو کو گرفتارکرکے ایک کلو سے زائد چرس برآمدکرلی۔ڈاکس پولیس نے منشیات فروش خان بادشاہ عرف خانی کو گرفتارکرکے ایک کلو210 گرام چرس برآمد کرلی ہے۔

ملزم گرفتار