کراچی : نفسیاتی مریض نے پتھرکے وارسے بیوی مارڈالی

کراچی (اسٹاف رپورٹر) مومن آباد اورنگی ٹاؤن میں شوہر نے بیوی کو سرپرپتھر کے پے درپے وارکرکے قتل کردیا،تفصیلات کے مطابق اورنگی ٹاﺅن مومن آباد ملک چوک حلیمہ مسجد کے قریب گھرمیں خاتون کی لاش کی اطلاع پر پولیس پہنچی اور لاش کو عباسی شہید اسپتال منتقل کیا،مقتولہ کی شناخت 35 سالہ زیبا بی بی کے نام سے کی گئی.

مقتولہ کے دیورمحمد دین اور رشتے دارغلام رسول نے بتایا کہ زیبا بی بی 6 بچوں کی ماں تھی اورآبائی تعلق بلوچستان کے علاقے لورا لائی سے تھا، مقتولہ کا شوہرخلیل احمد 7 سال سے ذہنی مرض میں مبتلا ہے،جس کا پہلے بلوچستان اوراب کراچی کے نفسیاتی اسپتال میں علاج چل رہا ہے،پیراورمنگل کی درمیانی شب ملزم خلیل احمد اچانک طیش میں آگیا اوراس نے اپنی اہلیہ زیبا بی بی کو پہلے بہیمانہ تشدد کا نشانہ بنایا اورپھربڑا پتھرسرپرمارکرزخمی کردیا،ہم نے خلیل کو پکڑ کرکمرے میں بند کردیا اوربعدازاں پولیس کے حوالے کردیا،خاتون کو قریب کلینک لے گئے جہاں ڈاکٹر نے بتایا کہ وہ دم توڑ چکی ہے۔
بیوی ماردی