ضمنی انتخابات میں نوازلیگ کا کلین سویپ۔تحریک انصاف کو شکست فاش

قومی اورصوبائی اسمبلی کی 13 نشستوں پر ضمنی انتخابات میں نوازلیگ نے کلین سویپ کرلیا۔ تحریک انصاف کو شکست فاش کا سامناکرناپڑا۔ پنجاب اسمبلی کی ایک نشست پیپلزپارٹی نے جیتی۔

این اے 18 ہری پورکے ضمنی انتخاب میں مسلم ليگ ن کے بابر نواز خان ایک لاکھ 63 ہزار 996 ووٹ لے کر کامیاب ہوگئے۔ غیر حتمی غیر سرکاری نتیجے کے مطابق پی ٹی آئی حمایت یافتہ آزاد امیدوار شہرناز عمر ایوب نے ایک لاکھ 20 ہزار 220 ووٹ لیے۔

تمام 602 پولنگ اسٹیشنز کے نتائج سامنے آگئے۔

این اے129 لاہور کے تمام 334 پولنگ اسٹیشنز کے غیرحتمی غیر سرکاری نتیجے کے مطابق مسلم ليگ ن کے حافظ میاں محمد نعمان نے میدان مار لیا۔غیرحتمی غیر سرکاری نتیجے کے مطابق حافظ میاں محمد نعمان 63441 ووٹ لے کر کامیاب ہوئے۔ پی ٹی آئی کے حمایت یافتہ آزاد امیدوار ارسلان احمد 29099 ووٹ لے سکے۔

این اے 143 ساہیوال 3 کے غیر حتمی غیر سرکاری نتیجے کے مطابق مسلم ليگ ن کے محمد طفیل 136223 ووٹ لے کر کامیاب ہوئے۔ آزاد امیدوار ضرار اکبر چوہدری نے 13220 ووٹ لیے۔

این اے 185 ڈیرہ غازی خان 2 کے تمام 226 پولنگ اسٹیشنزکے غیر حتمی و غیر سرکاری نتائج کے مطابق مسلم ليگ(ن) کے محمود قادر خان 82413 ووٹ لےکر کامیاب ہوگئے۔پیپلز پارٹی کے دوست محمد کھوسہ 49262 ووٹ لےکر دوسرے نمبر پر رہے۔

این اے 104 فیصل آباد 10 کے تمام 375 پولنگ اسٹیشنز کے نتائج آگئے۔غیر حتمی غیر سرکاری نتائج کے تحت مسلم ليگ(ن) کے دانیال احمد 52791 ووٹ لے کر کامیاب ہوگئے۔ آزاد امیدوار رانا عدنان جاوید 19262 ووٹ لے کر دوسرے نمبر پر رہے۔

این اے 96 فیصل آباد 2 کے 345 پولنگ اسٹیشنز میں سے 154 کے غیر حتمی غیر سرکاری نتائج کے مطابق مسلم ليگ(ن) کے محمد بلال بدر 79278 ووٹ لے کر پہلے نمبر پر ہیں۔ آزاد امیدوار نواب شير وسير 26483 ووٹ لے کر دوسرے نمبر پر ہیں۔

پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی اور غیر سرکاری نتائج کے مطابق مسلم ليگ ن کے محمد حنیف 46900 ووٹ لے کر کامیاب ہوگئے جب کہ آزاد امیدوار فلک شیر 10895 ووٹ لےکر دوسرے نمبر پر رہے۔

پی پی 115 فیصل آباد 18 کے تمام 159 پولنگ اسٹیشنز کے غیر حتمی غیر سرکاری نتائج سامنے آگئے۔ ن لیگ کے محمد طاہر پرویز 49049 ووٹ لے کر کامیاب قرار پائے جبکہ آزاد امیدوار محمد اصغر صرف 1898 ووٹ لیکر دوسرے نمبر رہے۔

پی پی 87 میانوالی 3 میں سابق قائد حزب اختلاف ملک احمد خان بھچر کی نشست پر مسلم لیگ ن کے امیدوار علی حیدر نور خان نیازی 67 ہزار 986 ووٹ لے کر کامیاب ہوگئے۔ آزاد امیدوار محمد ایاز خان نیازی 3310 ووٹ لے کر دوسرے نمبر پر رہے۔

پی پی 269 مظفر گڑھ 2 کے تمام 156 پولنگ اسٹیشنز کے نتائج کے مطابق پیپلز پارٹی کےمیاں علمدار عباس قریشی 55611 ووٹ لے کر جیت گئے۔

پی پی 73 سے ن لیگ کےسلطان علی رانجھا71 ہزار 770 ووٹ لے کر کامیاب قرار پائے جبکہ آزاد امیدوار مہر محسن رضا نے 12970 ووٹلیے۔

پی پی 116 فیصل آباد 19 کے تمام 190 پولنگ اسٹیشنز کے نتائج سامنے آگئے۔ ن لیگ کےاحمد شہریار 48 ہزار 824ووٹ لے کر کامیاب ہوگئے، آزاد امیدوار ملک اصغر علی قیصر 11429 ووٹ لے کردوسرے نمبر پر رہے۔

پی پی 98 فیصل آباد 1 میں ن لیگ کے آزاد علی تبسم 44388 ووٹ لے کر کامیاب ہوگئے۔ آزاد امیدوار محمد اجمل35245 ووٹ لے کردوسرے نمبر پر رہے۔