راولپنڈی ٹیسٹ،پاکستانی بولرز نے سری لنکا کو 98 رنز پر ڈھیر کر دیا

پاکستان کی جانب سے محمد عباس، رضا اللہ اور عامر جمال نے تین، تین وکٹیں حاصل کیں، جبکہ ثاقب خان نے ایک کھلاڑی کو آؤٹ کیا۔

November 17, 2026 · اسپورٹس
راولپنڈی ٹیسٹ،پاکستانی بولرز نے سری لنکا کو 98 رنز پر ڈھیر کر دیا

راولپنڈی ٹیسٹ،پاکستانی بولرز نے سری لنکا کو 98 رنز پر ڈھیر کر دیا

راولپنڈی میں پاکستان اور سری لنکا کے درمیان دوسرے ٹیسٹ میچ کے پہلے روز پاکستانی بولرز نے شاندار کارکردگی کا مظاہرہ کرتے ہوئے مہمان ٹیم کو پہلی اننگز میں صرف 98 رنز پر آؤٹ کر دیا۔

سری لنکا کی پوری ٹیم 35.3 اوورز میں پویلین واپس لوٹ گئی۔ پاکستان نے دن کے دوسرے سیشن میں اپنی پہلی اننگز کا آغاز کرتے ہوئے ایک وکٹ کے نقصان کے بغیر ایک رن بنا لیا تھا۔ پاکستان کو سری لنکا کی برتری ختم کرنے کے لیے مزید 97 رنز درکار ہیں۔

سری لنکا کی جانب سے کپتان کوشل مینڈس 32 رنز بنا کر نمایاں رہے، جبکہ سونل دھنوشا نے 21 رنز بنائے۔ دیگر بلے باز پاکستانی بولرز کے سامنے زیادہ دیر وکٹ پر نہ ٹھہر سکے۔

پاکستان کی جانب سے محمد عباس، رضا اللہ اور عامر جمال نے تین، تین وکٹیں حاصل کیں، جبکہ ثاقب خان نے ایک کھلاڑی کو آؤٹ کیا۔

پاکستان کی پہلی اننگز میں اذان اویس ایک اور طیب عارف صفر رنز کے ساتھ کریز پر موجود ہیں۔