مشرقِ وسطیٰ کی صورتحال انتہائی سنگین ہوگئی۔ سربراہ عالمی توانائی ایجنسی

بین الاقوامی توانائی ایجنسی (IEA) کے ایگزیکٹو ڈائریکٹر فاطح بیرول نے خبردار کیا ہے کہ مشرقِ وسطیٰ کی صورتحال “انتہائی سنگین” ہے اور یہ 1970 کی دہائی کے دونوں توانائی بحرانوں سے بھی کہیں زیادہ خراب ہے۔

آسٹریلیا کے نیشنل پریس کلب سے خطاب کرتے ہوئے بیرول نے کہا کہ جاری بحران کا سب سے بڑا حل آبنائے ہرمز کو دوبارہ کھولنا ہے، جسے ایران نے امریکہ اور اسرائیل کے حملے کے بعد بند کر دیا ہے۔

ڈونلڈ ٹرمپ نے ایران کو آبنائے کھولنے کا الٹی میٹم دیتے ہوئے کہا ہے کہ اگر مطالبہ نہ مانا گیا تو امریکہ ایران کے توانائی کے شعبے کو نشانہ بنائے گا۔ اس کے جواب میں تہران نے دھمکی دی ہے کہ وہ مشرقِ وسطیٰ میں توانائی کے بنیادی ڈھانچے کے ساتھ ساتھ پانی کو قابلِ استعمال بنانے والے پلانٹس کو بھی نشانہ بنائے گا۔